選擇

喺大概大半年前開始有呢個構思, 唔記得何時卒之做咗呢個決定 -- 回家!

對其他人嚟講呢個未必係啲咩重大決定, 但係至少對我嚟講算係另一個轉捩點, 好定壞都係言之尚早. 雖然話係回老家, 應該好開心至係, 不過喺呢一邊儲起嚟0既感情段唔可以抺殺. 例如佢個有原則, 硬朗0既媽咪, 住喺呢度之後好多時有咩問題, 煩惱都會同佢傾, 佢巳經唔只係我愛人0既媽咪, 亦係我一位知己朋友..... 猶記得對佢講我呢個決定時, 大家0既心情都好沉重, 令我記起兩年半前我同屋企人講要離開香港, 嗰時0既情境同而家都係一樣, 沉靜係最貼切去形容嗰一刻0既氣氛.....不過到底佢哋都係無奈地接受, 正如愛人媽咪話齋: 條路係我哋自己去行, 好唔好都係我哋自己去受, 無人可以幫我哋做決定, 作為一個愛我哋0既親人/朋友, 只好支持! (聽落好似電影對白,但係意思確實係好有力!)

喺呢度住咗唔算耐, 大概兩年半, 總算要習慣0既都巳經習慣哂; 不過習慣係一件事, 鍾唔鍾意又係另一件事. 情況一: 習慣唔到又唔鍾意會點選? 梗係走啦, 好明顯所有嘢都唔容許自己有立足餘地, 仲唔走唔通等運到?! 呢個答案好易選, 但係可惜0既係呢個並唔係我0既situation, 我嗰個係有少少難度, 情況二:習慣到但係唔鍾意點選? 有人會繼續留低, 鍾唔鍾意都係生活啫....又有人會話點都要留低, 因為無選擇, 自己鄉下戰亂, 無辜辜要尋求庇護....而我, 最終都係選擇回家, 原因好多. 而最主要0既我諗係因為自我價值0既問題.......(下栅三百字).

可能有日我又會選擇離開, 再去到一個陌生0既地方生活, 但係無論點樣, 最緊要0既係清楚自己有啲咩option; 有好多人完全無選擇可言, 所以如果有就要好好思量, 尋一個自己心滿意足0既答案, 至少對得住自己!