Thursday, July 27, 2006

西,法遊 (Day10-14)

(等咗成大半年先完成到呢段旅程0既尾聲, 實在慚愧到極!).......
如果有睇過宫騎駿作品的話, 一定知道"天空之城"呢部動畫, 睇完呢部動畫後,
周不時我都好發吓夢, 幻想吓如果真係有個咁0既世界, 好想去一趟; 但係到底都只不過係白日夢一個.....無咗宫騎駿, 無天空之城, 無發夢, 卒之比我見到我夢寐以求, 一路好想見佢一面0既呢座城, 佢就仿如天空之城0既現實版 --- 法國南部其中一個好多人朝拜0既地方: St.Michel.
每日中午至下晝, 潮退後隨咗可以沿住大路行之外, 仲可以係沙灘上向呢座城進發, 黃昏潮脹後就只有沿大路行. 但係睇到比較後就更見佢0既特色,尤其夜晚,成個城就好似比個海圍住,有種同外間隔絶0既感覺,好高貴.

隨咗St.Michel外,同樣位於法國南邊的另一個城市St.Malo都係值得一探0既好地方,尤其是對喜愛食海鮮0既人;因為佢係一個近海0既城市,每日漁獲又多又新鮮,嚟到呢到就一定要order生蠔及青口.如果唔係價錢關係, 我一定唔只食半打咁少. 呢到0既蠔size適中(一向唔喜愛太大隻,好似美國蠔咁, 太膩!), 好似啲美食主持人話齋: 好鮮甜, 口入裡仲有啲海水味...). 隨咗蠔之外, 我哋仲order咗個青口同咖喱飯伴帶子,我哋對呢餐滿意程度比足十分.
食到可口0既美食,見過怡人0既美景後,慢慢地我地就開始收拾心情向我地0既老家出法嘞!再見嘞西班牙,再見嘞法國! 我會喺我有生之年再嚟探你哋0架!Bye Bye!

3 Comments:

At 9:02 AM, Anonymous Anonymous said...

簡直就想放下我現在的一切與妳一起走進一個白日夢世界裡,試試做旅遊特輯中的主持把所有怡人美景拍進我的眼裡及與友人分享一番..........

 
At 12:46 AM, Anonymous Anonymous said...

妳都好犀利,隔咗咁耐仲記得,我仲以為會冇下文添! 有冇計劃返香港前再盡情去旅遊?

 
At 8:16 AM, Anonymous Anonymous said...

i want to eat !!i want to eat !!i want to eat !!i want to eat !!i want to eat !!i want to eat !!

 

Post a Comment

<< Home

Site Meter